આજે આપણે જે ઓઈલની વાત કરવાના છે એ છે ઓલિવ ઓઇલ અને આ એક એવું જાદુઈ તેલ છે કે જે કોઈ દવા કરતા ઓછું નથી. આ ઓઇલમાં પુષ્કળ માત્રામાં ઓમેગા 3 ફેટી એસિડ્સ રહેલા હોય છે અને આ તેલ હૃદયરોગના દર્દીઓ માટે કોઈ દવાથી ઓછું નથી કામ કરતુ. આ તેલ ધમનીઓમાં કોલેસ્ટ્રોલ જમા થતુ અટકાવવાનું કાર્ય કરે છે અને હાર્ટ એટેકની શક્યતામાં પણ ઘણો જ ઘટાડો કરે છે. આ તેલમાં વિટામિન ઈ પુષ્કળ પ્રમાણમાં હોય છે અને તે ત્વચાને ઘણી જ સુંદર બનાવે છે અને જેને સાંધાનો દુઃખાવો હોય એને પણ રાહત આપે છે. તેનાથી શરીરની નબળાઈ પણ દૂર થાય છે. જો તમે પણ ઈચ્છો છો કે તમારા શરીરમાં આટલા બધા ફાયદાઓ થાય તો એના માટે નિયમિત સવારે ખાલી પેટે ઓલિવ ઓઈલ પીવાનું ચાલુ કરી દો.

જાણો કઈ રીતે કરશો પ્રયોગ ?


સવારમાં રોજ ખાલી પેટે એક ચમચી ઓલિવ ઓઈલ પીવું. જો તમે તમે ઈચ્છો આ તેલને લીંબુ પાણી કે ચામાં નાંખીને પણ લઇ શકો છો. આ પીવાથી તમારા શરીરમાં ગજબના ફાયદા થશે.

કબજિયાત અને કેન્સર


જો ઓલિવ ઓઈલનું આવી રીતે સેવન કરવામાં આવે તો શરીરમાં કેન્સરથી બચાવતા કોષોમાં વધારો થાય છે. આ સિવાય જો તેનું નિયમિત સેવન કરવામાં આવે તો ગમે તેટલી કબજિયાતની સમસ્યા હોય તો તેનાથી પણ છુટકારો મળે છે.

સ્કિન અને વાળ


આ તેલ સુંદર સ્કિન, નખ અને વાળ માટે વરદાન સમાન ગણવામાં આવે છે. જો સવારમાં ઓલિવ ઓઈલ પીવામાં આવે તો સ્કિનની ડ્રાયનેસ દૂર થઇ જાય છે, સ્કિન ચમકદાર બને છે. જો તમને સ્પ્લિટ એન્ડ વાળા વાળ, વાળનો ગ્રોથ ઘટવો, નખ તૂટવા વગેરે જેવી સમસ્યાઓ છે તો તેમાંથી પણ છૂટકારો મળી જાય છે. જો ઓલિવ ઓઈલને પીવા સિવાય પણ સ્કિન, વાળ કે નખ પર આ તેલથી માલિશ કરવામાં આવે તો તેનો ગ્રોથ વધુ થાય છે અને તેને પીવાથી પણ પરિણામ જલ્દી મળે છે.

રોગપ્રતિકારક શક્તિમાં થાય વધારો


ઓલિવ ઓઈલમાં જે ફેટી એસિડ્સ હોય છે એના લીધે વારંવાર ભૂખ લાગતી નથી. એના લીધે વજન ઓછું કરવામાં પણ ઘણો જ ફાયદો થાય છે. આ સિવાય તેના ફેટી એસિડ્સ આપણા શરીરની રોગપ્રતિકારક ક્ષમતામાં વધારો કરે છે. જો ઈમ્યુન સિસ્ટમ નબળી પડે તો આપણને ઘણી બીમારીઓ થતી હોય છે જેમ કે શરદી, ખાંસી, તાવ વગેરેથી પણ બચવામાં આ તેલ ઘણો જ ફાયદો આપે છે.

સોજા


કેટલાક લોકોને ઠંડીના લીધે શરીરમાં સોજા આવી જતા હોય છે એમના માટે આ તેલ આઈબ્રૂફેન ટેબલેટ જેવું જ કામ કરે છે. એક રિસર્ચ મુજબ વાત કરીયે તો એમાં એવી માહિતી મળેલી છે કે જેને સોજાની તકલીફ હોય એણે રોજની ત્રણથી ચાર ચમચી ઓલિવ ઓઈલ પીવી જોઈએ એનાથી શરીરમાં આઈબ્રુફેન  લીધી હોય એટલી ઈફેક્ટ થાય છે સાથે જ એનાથી કોઈ સાઈડ ઈફેક્ટ્સ થતી નથી. જો ઓલિવ ઓઈલનું નિયમિત સેવન કરવામાં આવે તો કોઈ જ નુકસાન પહોંચતું નથી.

હાર્ટના દર્દીઓ માટે


ઓલિવ ઓઈલ આપણા શરીરમાંથી ખરાબ કોલેસ્ટ્રોલને ઘટાડે છે અને સારા કોલેસ્ટ્રોલને વધારે છે. જો નિયમિત ઓલિવ ઓઈલ પીવામાં આવે તો હૃદયરોગની શક્યતા ઘટે છે.

યાદશક્તિમાં કરે વધારો


ઓલિવ ઓઈલ આપણા શરીરમાં લોહીમાં ઓક્સિજનના પ્રવાહમાં વધારો કરે છે. તેનાથી ફ્રી રેડિકલ્સ પણ ઓછા થાય છે અને એનાથી આપણા દિમાગમાં સ્ટ્રેસ પણ ઓછો થાય છે. જો સ્ટ્રેસ અને ટેન્શન ઘટે તો વ્યક્તિની યાદશક્તિ પણ ચોક્કસથી વધે છે.